Болгарын Шинжлэх Ухааны Академийн Ерөнхийлөгч, профессор Жулиан Ревалскийн Монгол Улсын Шинжлэх Ухааны Академид хийсэн албан ёсны айлчлал
Монгол Улсын Шинжлэх Ухааны Академийн Ерөнхийлөгчийн урилгаар Болгарын Шинжлэх Ухааны Академийн ерөнхийлөгч, профессор Жулиан Ревалски, тус академийн Эрдэмтэн нарийн бичгийн дарга, профессор Нели Косева нар 2024 оны 07 дугаар сарын 30-ны өдрөөс 08 дугаар сарын 03-ны хооронд Шинжлэх ухааны академид айлчиллаа.
Айлчлалын хүрээнд хоёр академийн цаашдын хамтын ажиллагааны талаар харилцан санал солилцохоос гадна, Шинжлэх ухааны чиглэлээр хамтарсан судалгаа, инновацын төсөл хэрэгжүүлэх замаар шинжлэх ухаан, техникийн хамтын ажиллагааг дэмжих, судлаач, мэргэжилтэн бэлтгэх, солилцох боломжтойг талууд илэрхийлсэн.
Энэ хүрээнд Шинжлэх ухаан, техникийн хамтын ажиллагааны тухай Монгол Улсын Шинжлэх Ухааны Академи, Болгарын Шинжлэх Ухааны Академи хооронд байгуулсан 2015 оны хэлэлцээрийг шинэчлэхээр тогтсон байна.
Бусад мэдээлэл
