Шинийг эрэлхийлэгч хүсэл тэмүүлэлтэй, авьяаслаг залуу судлаач, эрдэмтэд, мэргэжилтнүүдэд өөрийн шинжлэх ухаан, дэвшилтэт технологи, судалгааны шинэлэг форматаа дотооддоо болон олон улсад танилцуулах боломжийг олгодог Falling Walls Lab Mongolia’24 форум 2024 оны 09 дүгээр сарын 27-ны өдөр 13.00 цагт МУИС-ын Номын сангийн хурлын танхим 502 тоот болон www.zoom.us цахим платформ ашиглан танхим-цахим хосолсон (hydrid) хэлбэрээр зохион байгуулагдана.

Оролцогчид цаг үеийн тулгамдсан сорилтуудын шийдэл бүхий өөрийн судалгааны ажил, бизнесийн загвар, шинэлэг төслийн санааг бусад мэргэжилтэн, шүүгч, олон нийтэд тус бүр 3 минутад багтаан танилцуулдаг. Орон орны үндэсний ялагчид жил бүрийн 11 дүгээр сарын 07-ны өдөр ХБНГ улсын Берлин хотноо олон улсын финалд өрсөлдөх ба улмаар Falling Walls Science Summit-д оролцох эрхийн бичгээр шагнуулж дэлхийн шинжлэх ухаан, бизнесийг хөдөлгөгч, гол бодлого боловсруулагчидтай харилцах, холбоо тогтоох боломжтой болох юм.

Арга хэмжээнд бүртгүүлэх холбоос