ГАДААД ХАРИЛЦААНЫ БОДЛОГО
ШУА-ийн гадаад харилцаа, хамтын ажиллагааны бодлого нь ШУА-ийн судалгаа, шинжилгээний байгууллага, Судлаачдыг олон улсын болон гадаад орны шинжлэх ухаан, технологи, инновацийн төрөлжсөн байгууллага, эрдэмтэн судлаачидтай судалгааны тэргүүлэх чиглэлээр хамтран ажиллах, эрдэмтэн солилцох, судлаачдыг гадаадын нэр хүндэттэй шинжлэх ухааны байгууллага, их сургуульд зорилготой бэлтгэх, хамтарсан хурал, семинар, симпозиум, үзэсгэлэн зохион байгуулах, гадаад, дотоодын шинэлэг ололт амжилтыг сурталчлах, оновчтой, үр өгөөжтэй гадаад харилцааны таатай нөхцөл, боломжийг бүрдүүлэх, үр ашигтай гадаад хамтын ажиллагааг хөгжүүлэхэд чиглэгдэнэ.Энэхүү гадаад харилцааны бодлогыг хэрэгжүүлэхдээ Монгол Улсын болоод шинжлэх, технологийн асуудал эрхэлсэн төрийн захиргааны төв байгууллага болон ШУА-ийн гадаад харилцаа, хамтын ажиллагааны чиглэлээр гаргасан бодлого, стратеги, хууль, эрх зүйн хэм хэмжээг баримтлан түүнийг мөрдөж ажиллана. Гадаад харилцаа, хамтын ажиллагааны үндсэн үйл ажиллагаа нь олон талт гадаадын гэрээ, хэлэлцээр, санамж бичгийн хүрээнд дараах хэлбэрээр хэрэгжиж байна. Үүнд:
-Эрдэм шинжилгээний хамтарсан төсөл, хөтөлбөр, хээрийн судалгаа гүйцэтгэх;
-Эрдэмтэн солилцооны хөтөлбөр хэрэгжүүлэх;
-Судлаачдын чадавхийг бэхжүүлэх сургалт (эрдмийн зэргийн болон дипломын дараах сургалт) зохион байгуулах;
-Шинжлэх ухаан, технологи, инновацийн мэдээлэл, туршлага солилцох, хамтарсан ном, сэтгүүл хэвлэн нийтлэх, түгээн дэлгэрүүлэх;
-Хоёр талын болон олон улсын эрдэм шинжилгээний хурал, симпозиум, семинар зохион байгуулах зэрэг болно.
Гадаад харилцаанд мөрдөх бодлого, стратеги, хууль, эрх зүйн бичиг баримтууд:
⋆ Бодлого, стратеги, үзэл баримтлал
⋆ Шинжлэх ухаан, технологийн талаар төрөөс баримтлах бодлого, 1998
⋆ Монгол Улсын шинжлэх ухаан, технологийг 2010 он хүртэл хөгжүүлэх үндэсний хөтөлбөр, 2000
⋆ Монгол Улсын Гадаад бодлогын үзэл баримтлал,1994
⋆ Монгол Улсын Шинжлэх ухаан, технологийг 2007-2020 онд хөгжүүлэх Мастер төлөвлөгөө, 2007
⋆ Шинжлэх ухааны академийн эрх зүйн байдлын тухай хууль,1996
⋆ Патентын тухай хууль, 2006
⋆ Шинжлэх ухаан, технологийн тухай хууль, 2006
⋆ Технологи дамжуулах тухай хууль, 1998
⋆ Инновацийн тухай хууль, 2012
⋆ Зохиогчийн эрх болон түүнд хамаарах эрхийн тухай, 2006
Журам, дүрэм:
⋆ Шинжлэх ухааны академийн дүрэм,1997
⋆ Эрдэмтэн солилцооны шугамаар гадаад орнуудад эрдэмтэд илгээх болон гадаадын эрдэмтэн хүлээн авах журам, 2002
⋆ ОХУ-д суралцаж байгаа аспирант, докторант нарт тэтгэлэг олгох журам, 2005
⋆ Хандив, тусламжийн хөрөнгийг хүлээн авах, захиран зарцуулах журам, 2002
⋆ "ШУА-ийн Хүндэт доктор” олгох тухай журам;
