Инноваци
Олон улсын хөгжлийн орчин үеийн нийтлэг шинж нь мэдлэг бий болгох, дэлгэрүүлэх, ашиглахад суурилсан эдийн засгийг төлөвшүүлэх буюу инновацийн нийгмийг байгуулахад чиглэж байгаа бөгөөд шинжлэх ухаан, технологи, инновацийн хөгжил нь тухайн орны эдийн засгийн хөгжил болон дэлхийн зах зээл дээр түүний өрсөлдөх чадварыг тодорхойлдог.
Манай орны хувьд суурь судалгаанд үндэслэсэн "мэдлэг бий болгох" орчныг боловсролын болон үндэсний инновацийн үр ашигтай тогтолцоо, төрийн цогц бодлогын хүрээнд эрх зүйн орчин, дэд бүтцийг бий болгон хөгжүүлэх замаар хэрэгжүүлж байна.
Монгол Улсын Шинжлэх Ухааны Академи нь Үндэсний инновацийн үр ашигтай тогтолцоог бүрдүүлэхэд голлох үүрэгтэй институтийн хувьд шинжлэх ухаан, технологийн инновацид түшиглэсэн нийгэм, эдийн засгийг хөгжүүлэхэд хувь нэмрээ оруулахыг чиглэсэн стратегийн зорилтуудыг дэвшүүлэн ажилладаг. Үүнд:
Эрдэм шинжилгээ, судалгаа боловсруулалтын ажлын үр дүнг үнэлэх, эрхийн хамгаалалт хийлгэх, түгээн дэлгэрүүлэх, эдийн засгийн эргэлтэнд оруулах үйл ажиллагааг бодлогоор дэмжих, чиг үүргийн бүтцээр дэмжлэг туслалцаа үзүүлэхд;
Эрдэм шинжилгээний байгууллагын дэргэд гарааны компани байгуулах журам (2014)-ыг баримтлан, харъяа байгууллагуудын дэргэд гарааны компани байгуулах, байгуулагдсан гарааны компаний өрсөлдөх чадварыг нэмэгдүүлэх, зах зээлд нэвтрэх, өсөн тэлэхэд нь бүх талын дэмжлэг, менежментийн туслалцаа үзүүлэх;
Инновацийн салбарын хүний нөөцийг сургах, бэхжүүлэх, чадавхжуулах, энтрэпренёр судлаачийг бэлтгэх, тэдэнд тулгамдсан асуудлыг шийдвэрлэхэд дэмжлэг туслалцаа үзүүлэх;
Шинжлэх ухаан, технологийн инновацийн соёлыг түгээн дэлгэрүүлэх, инновацид ээлтэй экосистемийг бүрдүүлэх үйл ажиллагааг зохион байгуулах, дэмжлэг туслалцаа үзүүлэх;
Төр, төрийн бус байгууллага, хувийн хэвшил, их дээд сургууль, шинжлэх ухаан, технологийн бүх салбарт харилцан ашигтай хамтын ажиллагааг хөгжүүлэх, инновацийг хэрэгжүүлэх түншлэлийг бий болгох, түншлэгчдээ дэмжлэг туслалцаа үзүүлэх;
