Монгол улсын Шинжлэх ухааны ажилтны өдрийг 16 дахь жилдээ тэмдэглэн өнгөрүүлэх ажлын хүрэээнд зохион байгуулагддаг “ШУА-ийн Ерөнхийлөгчийн нэрэмжит биеийн тамир, спортын 4 төрөлт" тэмцээн 2017 оны 10 дугаар сарын 26-наас 11 сарын 19-ний өдрүүдэд зохион байгуулагдаж байна.
Энэ жилийн тэмцээний Шатрын төрөл “Хос Мастер” шатрын клубын (Шатрын клубын байршил: БЗДүүрэг,13-р хороолол, ерөнхий боловсролын 84-р дунд сургуулийн зүүн хойно) байранд 2017 оны 10 дугаар 26-ны Пүрэв гарагийн 9:00 цагаас, Ширээний теннисний тэмцээнийг ширээний теннисний "Оч" клубын байранд 2017 оны 11 сарын 2-ны Пүрэв гарагийн 9:00 цагаас зохион байгуулагдах бол Волейболын тэмцээнийг 11 сарын 11-12-ны өдрүүдэд, Сагсан бөмбөгийн тэмцээний 11 сарын 18-19-ний өдрүүдэд Худалдаа үйлдвэрлэлийн их сургуулийн хичээлийн 2-р байрны (Арслантай гүүрний баруун талын Багшийн хөгжлийн ордны хойно байрлах) биеийн тамир спортын зааланд зохион байгуулахаар тогтоод байна.
Волейболын тэмцээний явцад хяналт тавьж, журмын дагуу явуулах ажлыг ШУА-ийн Палеонтологи, геологийн хүрээлэнгийн Б.Майнбаяр, ШУА-ийн Хэл зохиолын хүрээлэнгийн Д.Болормаа нар хариуцан зохион байгуулах бол Сагсан бөмбөгийн тэмцээнийг ШУА-ийн Газарзүй, геоэкологийн хүрээлэнгийн н.Батдорж, Одон орон, геофизикийн хүрээлэнгийн Б.Түвшинжаргал нар хариуцан зохион байгуулна.
Тэмцээнд оролцогч эрдэм шинжилгээний байгууллагууд дараах зүйлийг мөрдөж оролцоно. Үүнд:
1. Багийн бүрэлдэхүүн сагсан бөмбөг 8 хүртэлх, волейбол 9 хүртэлх хүнтэй байна.
2. Талбайд ТҮ цалингийн шатлалаар цалинждаг гишүүн 1 хүртэл байна.
3. Багууд бие халаалтын нэгээс доошгүй бөмбөгтэй ирэх. Бие халаалтанд тоглолтын бөмбөг өгөхгүй болохыг анхаарна уу.
4. Оролцогч нь тухай байгууллагын үндсэн ажилтан байх бөгөөд сүүлийн 3 сараас доошгүй ажилласан байх. (тэтгэвэрт гарсан ажилтанг оролцуулахгүй болсон)
5. НДШД-ийг бүрэн бөглүүлсэн биедээ авч ирэх.
ВОЛЕЙБОЛЫН ТЭМЦЭЭНИЙ ТОГЛОЛТЫН ХУВААРИЙГ ЭНДЭЭС АВНА УУ.
ВОЛЕЙБОЛЫН ТЭМЦЭЭНИЙ ЭМЭГТЭЙ СУГАЛААГ ЭНДЭЭС АВНА УУ.
ВОЛЕЙБОЛЫН ТЭМЦЭЭНИЙ ЭРЭГТЭЙ СУГАЛААГ ЭНДЭЭС АВНА УУ.
САГСАН БӨМБӨГИЙН ТЭМЦЭЭНИЙ ТОГЛОЛТЫН ХУВААРИЙГ ЭНДЭЭС АВНА УУ.
САГСАН БӨМБӨГИЙН ТЭМЦЭЭНИЙ ЭМЭГТЭЙ СУГАЛААГ ЭНДЭЭС АВНА УУ.
САГСАН БӨМБӨГИЙН ТЭМЦЭЭНИЙ ЭРЭГТЭЙ СУГАЛААГ ЭНДЭЭС АВНА УУ.
Шинжлэх ухааны байгууллагуудын Үйлдвэрчний эвлэлийн нэгдсэн хороо
