Төв Азийн Усны нөөцийн нэгдсэн менежментийн асуудлаар “Мэдлэг туршлагаа түгээн дамжуулах нь” сэдэвт олон улсын бага хурал 2017 оны 9 дүгээр сарын 26-ны өдрийн 10.00 цагт “Блью скай” зочид буудалд эхэлнэ.
Хурлын зорилго нь “УННМ МоМо төсөл”-ийн үр дүнг Монгол, Төв Ази, Герман болон олон улсын хамтрагч нартай солилцох, Төв Азийн усны салбар дахь усны менежментэд тулгарч буй асуудлуудыг шийдвэрлэхэд инновацийн концепц бүхий техникийн шийдлийг ашиглах, тэдгээрийн хэрэгжилтийг танилцуулах, МоМо төслөөс гарсан үр дүнг Төв Азийн улс орнуудын хэмжээнд дамжуулах, нэвтрүүлэх боломжит зах зээлийн тухай хэлэлцэхэд оршиж байна.
Хурлаар хот суурин газрын усны менежмент (усан хангамжийн техник, технологийн шинэчлэл; төвлөрсөн бус шийдэлтэй бага оврын цэвэрлэх байгууламж), байгаль орчны хяналт шинжилгээ, өгөгдлийн менежмент, нөөц чадавхийн хөгжил буюу боловсон хүчний чадавхийг хөгжүүлэх (усны салбарын захиргаа, удирдлага, шинжлэх ухаан, техник технологийн зэрэг усны салбарын олон түвшинд), усны нөөцийн нэгдсэн менежмент гэсэн 4 үндсэн асуудлыг хэлэлцэнэ
Хуралд шийдвэр гаргагчид болон усны салбарын удирдлагууд, шинжлэх ухааны байгууллага, олон улсын донор байгууллагуудын төлөөлөл болсон 60 гаруй хүн оролцоно.
Германы Боловсрол, Судалгааны яамны (БСЯам) санхүүжилтээр 2005 оноос хэрэгжиж буй “Төв Азийн Усны Нөөцийн Нэгдсэн Менежмент-Загвар бүс нутаг МоМо” (MoMo) эрдэм шинжилгээ, судалгааны төсөл, түүний өргөн цар хүрээтэй, олон талт үр дүн нь Төв Азийн хэмжээнд тулгарч буй усны асуудлууд, цаашлаад бүс нутгийн усны нөөцийг хамгаалах тогтвортой нэгдсэн менежментийн хэтийн төлвийн талаар нарийвчлан авч хэлэлцэх эхлэл цэг болох юм.
Холбогдох утас: 99871293, 99988276
