Монгол Улсын Шинжлэх ухааны академи (ШУА)-иас Олон улсын шинжлэх ухааны зөвлөлийн (CODATA) өгөгдлийн хороо, БНХАУ-ын ШУА-ийн Компьютерын сүлжээ мэдээллийн төв (CAS-CNIC), GOSC Олон улсын хөтөлбөрийн газар (GOSC IPO)-тай хамтран “Гамшгаас урьдчилан сэргийлэх нээлттэй шинжлэх ухааны дэд бүтэц (An international training workshop on Open science infrastructure for disaster management)” сэдэвт олон улсын сургалт, семинарыг 2024 оны 11 дүгээр сарын 14-15-ны өдрүүдэд зохион байгуулна.
Энэхүү сургалт семинар нь дэлхий даяарх шинжлэх ухааны нээлттэй үүлэн технологиуд дахь өгөгдөлд хандах, харилцан ашиглах, өөрийн өгөгдлийг хадгалах арга замыг нээх болон хамтын ажиллагаа, уялдаа холбоог дэмжих ач холбогдолтой юм.
Сургалт, семинарын гол агуулга нь гамшгийн менежментийг сайжруулахад их өгөгдлийг ашиглан нээлттэй шинжлэх ухааны уян хатан дэд бүтцийг бий болгоход чиглэнэ.
Сургалтад CODATA, GOSC, CNIC CSTCloud баг, Нанжины их сургууль, IAP CAS, IGSR CAS зэрэг байгууллагуудын гамшгийн эрсдэлийг бууруулах чиглэлээр ажилладаг профессорууд, мэргэжилтнүүд, цахим дэд бүтцийн техникч, ШУА-ийн холбогдох хүрээлэнгүүд, Онцгой байдлын ерөнхий газар, Ус цаг уур, орчны судалгааны хүрээлэнгийн мэргэжилтнүүд, олон улсын мэргэжилтнүүд оролцон, мэдээлэл өгнө.

Сургалтыг, танхим болон цахим хослуулан англи хэлээр зохион байгуулах ба цахимаар оролцогчид бүртгэлээ дараах холбоосоор хийлгэсэн байх ёстойг анхаарна уу.

https://zoom.us/meeting/register/tJctf-CvrjsqGdZJpPKpLiS3pn0J2uplH5Gw

Жич: Албан байгууллагуудаас танхимаар оролцуулах судлаачдад мэдээллийг тусгайлан хүргэнэ.