“Эрдэм хакатон-2024” тэмцээний шилдэг төслүүд шалгарлаа
“Монголын Инновацын 7 хоног”-ийн хүрээнд “Эрдэм хакатон-2024 тэмцээн 6 дахь удаагаа амжилттай зохион байгуулагдлаа.
Тэмцээн Орхон аймаг, Эрдэнэт үйлдвэрийн Захиргааны II байранд 04 дүгээр сарын 25-27-ны өдрүүдэд сургалт, зөвлөгөө хосолсон байдлаар болж өнгөрлөө. Энэ жилийн тэмцээнд Улаанбаатар, Эрдэнэт хот, Булган аймгаас нийт 34 төсөл бүртгүүлсэн юм. Үүнээс хоёрдугаар шатанд 20 төсөл тэнцсэн бөгөөд эдгээр төслүүд эцсийн шалгаруулалтад өрсөлдөж, шилдэг 3 төсөл шалгарлаа.
- БШУ-ны сайдын нэрэмжит 20 сая төгрөгийн грантыг хүнсний аюулгүй байдлыг сайжруулахад чиглэсэн газарзүйн байршил, бүс нутгийн онцлогт зориулан шинээр загварчилж бүтээсэн “МОНГОЛ ПАССИВ ХҮЛЭМЖ” төсөл (Эрдэнэт хотоос оролцогч төслийн баг);
- ШУА-ийн Ерөнхийлөгчийн нэрэмжит 10 сая төгрөгийн грантыг цусан дахь глюкозын хэмжээг тогтворжуулах үйлчилгээтэй, ургамлын гаралтай биологийн идэвхт уусдаг бэлдмэл үйлдвэрлэх “АНТИ САХАР-4” төсөл (Уламжлалт анагаах ухаан, технологийн хүрээлэнгийн судлаачид);
- Эрдэнэт үйлдвэр” ТӨҮГ-ын Ерөнхий захирлын нэрэмжит 10 сая төгрөгийн грантыг арьс шир, ноос, нэхмэл бүтээгдэхүүнийг угаах, эмульсжүүлэх үйлчилгээтэй эх орны нөхөн сэргээгдэх түүхий эд буюу рапсын тосноос гарган авсан гадаргуугийн идэвхт бүтээгдэхүүн үйлдвэрлэх “BUBBLE TECH” төсөл (ШУА, Хими, химийн технологийн хүрээлэнгийн судлаачид) тус тус шалгарлаа.
Тэмцээний хамтран зохион байгуулагчаар “Эрдэнэт үйлдвэр” ТӨҮГ, Эрдэнэт-Шинжлэх Ухаан технологийн парк, Стартап Монгол ТББ ажиллаа.”
Бусад мэдээлэл
