Шинжлэх Ухааны Академи Булган аймгийн ЗДТГ-тай хамтран ажиллах санамж бичиг байгууллаа
.jpg?w=1200)
ШУА-ийн Дэд ерөнхийлөгч тэргүүтэй судлаачдын баг “Шинжлэх ухаан, технологи, инновацыг орон нутагт нутагшуулъя” аяны хүрээнд 2024 оны 05 дугаар сарын 3,4-ны өдрүүдэд Булган аймагт ажиллаа.
Энэ үеэр ШУА Булган аймгийн ЗДТГ-тай хамтран ажиллах санамж бичиг байгуулав. Санамж бичгийн хүрээнд 2024-2027 онд 3 судалгааны ажил хамтран хэрэгжүүлэхээр харилцан тохиролцов. Үүнд:
- “Тэрбум мод” үндэсний хөдөлгөөний хүрээнд аймгийн суурин газруудад тарих мод, сөөгийг сонгох, тэдгээрээр дамжуулан хүрээлэн буй орчны бохирдлыг саармагжуулах судалгаа;
- Ойн цэвэрлэгээ, мод бэлтгэлийн хаягдал, газар тариалангийн сүрэл, ургамлын иш, эрчимжсэн мал аж ахуйн хаягдал зэрэг органик хаягдлын боловсруулалт, дахин ашиглалтын технологийн судалгаа;
- Нефть, нефтийн бүтээгдэхүүнээр бохирдсон хөрсний мониторинг, бохирдлыг бууруулах судалгаа
Мөн ШУА-ийн Хими, химийн технологийн хүрээлэн, Булган аймгийн Байгаль орчны газартай хамтран “Хог хаягдлын менежмент” сэдэвт сургалтыг зохион байгууллаа. Сургалтад оролцогчдод “Хог хаягдлын хууль тогтоомжийн эмхэтгэл”, “Хог хаягдлын менежмент ба боловсруулах технологи” ном, гарын авлагаар хангаж ажиллав.
Инновацын бүтээгдэхүүний үзэсгэлэнгээр ШУА-ийн харьяа 4 хүрээлэнгийн 40 орчим бүтээгдэхүүнийг орон нутгийн иргэд, аж ахуй нэгжүүдэд танилцуулав.
Бусад мэдээлэл
