Энэхүү хөтөлбөр нь эрдэмтэн судлаачдын судалгааны ажлын үр дүн, үнэ цэнийг нэмэгдүүлж эдийн засгийн эргэлтэд оруулах энтрепренер сэтгэлгээг төлөвшүүлэх,  нөгөө талаас бизнес эрхлэгч, хувийн хэвшлийн оролцогчдод судалгааны арга зүй, технологи хөгжүүлэлтийн талаар мэдлэг олгох 2 талын ач холбогдолтой болсон бөгөөд тэдгээрийн олон талт инновацын хамтын ажиллагааг хэрэгжүүлэхэд дэмжлэг болох зорилготой юм. 

Хөтөлбөрийн төгсөлтийн арга хэмжээ 2024 оны 05 дугаар сарын 10-ны өдөр 14 цагаас Миллениум Плазад зохион байгуулагдаж оролцогчдын бизнес төслүүд, Шинжлэх Ухааны Академийн оюуны өмч, технологи, инновацын бүтээгдэхүүн, гарааны компанийг танилцуулна.