Монгол Улсын нийгэм эдийн засгийн хөгжилд хувь нэмэр оруулах, цаашид үйлдвэрлэлд нэвтрүүлэх боломжтой инновацийн төслийг шалгаруулж хөрөнгө оруулалтаар дэмжих зорилготой "ЭРДЭМ ХАКАТОН 2022" тэмцээн "Монголын Инновацийн 7" хоног арга хэмжээний хүрээнд 2022 оны 05 дугаар сарын 16-ноос 20-ны өдрүүдэд зохион байгуулагдаж байна.
Энэхүү арга хэмжээ нь Инновацийн үйл ажиллагааны тэргүүлэх чиглэл (2020-2025)-ийн 5 тэргүүлэх, 11 дэд чиглэл буюу мэдээллийн технологи, шинэ материалын технологи, биотехнологи/үйлдвэрлэлийн технологи, сэргээгдэх эх үүсвэртэй эрчим хүчний технологи, үндэсний онцлог бүхий соёлын инноваци, бүтээлч үйлдвэрлэлийн чиглэлийн хүрээнд явагдаж байна.
Тэмцээнд оролцогчид их, дээд сургууль, эрдэм шинжилгээний байгууллага, судалгааны хүрээлэн/төв, хувийн хэвшлийн байгууллагаас оюуны өмчийн эрхээр хамгаалагдсан бизнес төслөө танилцуулна. I шатны шалгаруулалтад нийт 15 баг тэнцсэн бөгөөд эцсийн шалгаруулалт буюу Демо өдөр 2022 оны 05 дугаар сарын 19-ний өдөр болох юм.
