ШУА-ийн төрөлжсөн академи Монголын Анагаах ухааны Академийн ээлжит чуулган энэ оны 4 дүгээр сарын 07-ны өдөр ШУА-ийн Их чуулганы танхимд болж, бүх гишүүдийн 91.7 хувийн ирцтэйгээр МАУА-ийн гишүүнд нэр дэвшүүлэх тухай асуудлыг хэлэлцэв.Чуулганыг МАУА-ийн Ерөнхийлөгч, академич Ш.Болд даргалж, чуулганы хэлэлцэх асуудлын төлөвлөгөө, дэгийг танилцуулан батлуулав. Чуулганы хуралдаанд МАУА-ийн гишүүнд нэр дэвшсэн эрдэмтэд байлцав. МАУА-ийн дүрмийн дагуу шинэ гишүүний сонгууль 2 жил тутам зохион байгуулдаг бөгөөд байгуулагдсан цагаас хойш 7 удаагийн сонгууль зохион байгуулж, шинэ гишүүдээр эгнээгээ өргөтгөж байна. МАУА-ийн гишүүнд нэр дэвшсэн эрдэмтдийн бүтээлд хянан магадалгаа хийсэн ажлын хэсгийн танилцуулгыг ажлын хэсгийн дарга, анагаах ухааны доктор, профессор О.Баатархүү нэр дэвшигч бүрээр дэлгэрэнгүй танилцуулав.
МАУА-ийн гишүүнд нэр дэвшсэн эрдэмтэд:
ШУА-ийн Тэргүүлэгчдийн газраас албажуулж ирүүлсэн гишүүдийн сонгуулийн мэргэжлийн чиглэл, квотын дагуу МАУА-ийн гишүүнд нэр дэвшсэн эрдэмтдийг сонгох шалгаруулалтыг нууц санал хураалтаар сонгов. Нууц санал хураалтын дүнгээр анагаахын шинжлэх ухааны доктор, профессор Баасанжавын Батболд 78%, анагаах ухааны доктор, профессор Зундуйн Лхагвасүрэн 65.6%, анагаах ухааны доктор, профессор Лүндэгийн Ганболд 51.5% саналаар Монголын Анагаах ухааны Академийн гишүүнээр сонгохоор тогтов.
|
|
|
Баасанжавын Батболд анагаахын шинжлэх ухааны доктор, профессор | Лүндэгийн Ганболд анагаах ухааны доктор, профессор | Зундуйн Лхагвасүрэн анагаах ухааны доктор, профессор |
.jpg?w=1200)
.jpg?w=1200)
.jpg?w=1200)