.JPG?w=1000)
“Дэлхийн шинжлэх ухааны өдөр” болон “Шинжлэх ухааны
ажилтны өдөр”-ийг тохиолдуулан ШУА-ийн Түүх, Археологийн хүрээлэн “Нээлттэй
хаалганы өдөр”-ийг зохион байгуулав. Өдөрлөгт академич Ж.Болдбаатар, ШУА-ийн
Түүх, Археологийн хүрээлэнгийн ЭНБдарга доктор, дэд профессор Н.Хишигт, доктор, профессор Г.Цэрэнханд, доктор, профессор
Ц.Төрбат нар үг хэлэв. Нээлттэй хаалганы өдөрлөгийн хүрээнд академич
Ж.Болдбаатар “Түүх судлахын учир, ач холбогдол”, доктор, профессор Г.Цэрэнханд “Монгол
угсаатны зүйн хөгжил”, доктор, профессор Ц.Төрбат “Археологийн судалгаа-2017”
сэдвийн хүрээнд тус тус илтгэл хэлэлцүүлэв.
Өдөрлөгийн үеэр Түүх, археологийн номын үзэсгэлэн худалдаа, баримт мэдээллийн төвийн сан хөмрөгт хадгалагдаж буй түүхэн баримтат кино, 2017 оны археологийн судалгааны шинэ олдворууд болох чулуун зэвсгийн судалгаа, түрүү төмөрлөгийн судалгааны тухай баримт, мэдээллийг сонирхох боломжтой юм.
