Монгол Улсын Шинжлэх Ухааны Академи, Оросын Музейн Холбоо, Петербургчуудын Дэлхийн Клуб, Санкт-Петербург хот дахь “Рерихийн Гэр Музей-Хүрээлэн”, Улаанбаатар дахь Рерихийн Гэр-Музей, Монголын Үндэсний Түүхийн Музей зэрэг зургаан байгууллага 2026 оны 3 дугаар сарын 30-ны өдөр хамтын ажиллагааны зургаан талт гэрээнд гарын үсэг зурлаа.

Уг гэрээ нэрт соён гэгээрүүлэгч Н.К. Рерихийн үзэл санаа, бүтээлч өв, ололт амжилтыг түгээн дэлгэрүүлэх, шинжлэх ухаан, соёлын салбарын хөгжлийг дэмжих, соёлын өвийг хадгалж хамгаалах, судлах, сурталчлах, мөн салбар дундын хамтын ажиллагааг өргөжүүлэхэд чиглэж байна.