Америкийн Нэгдсэн Улсаас Монгол Улсад суугаа элчин сайд ноён, Ричард Л. Буанган тэргүүтэй төлөөлөгчид, Монгол Улсын Шинжлэх ухааны Академийн ерөнхийлөгч, Академич Д.Рэгдэл, Шинжлэх ухаан, технологийн сангийн захирал Д.Одгэрэл болон бусад төлөөлөгч нар 2024 оны 2 дугаар сарын 7-ны өдөр албан уулзалт зохион байгууллаа.
Энэхүү уулзалтаар хоёр орны ШУ-ны салбарт хамтран “Эрдэмтэн солилцоо”-ны хөтөлбөрүүдийг хэрэгжүүлж хүний нөөцийн бодлогод дэмжлэг үзүүлэх, Монгол Улсын шинжлэх ухааны салбарын судалгааны дэд бүтэц, хүчин чадлыг нэмэгдүүлэх тал дээр хамтран ажиллах, Америкийн Нэгдсэн Улсын Шинжлэх ухааны сантай хамтран ажиллахад дэмжлэг үзүүлэх зэрэг томоохон асуудлуудын хүрээнд санал солилцлоо.
