Эрдэмтдийн бүтээлийн үзэсгэлэн гарч байна

• 

  Нийтлэсэн Б Билгүүн
• 2022-12-07
• 349

ШУА-ийн гишүүний ээлжит сонгууль  маргааш болох гэж  байгаатай холбогдуулан салбарын бага чуулган, бүтэцийн академиудаас нэр дэвшигч 9 эрдэмтний бүтээлийн үзэсгэлэн өнөөдөр  ШУА-ийн байранд нээгдлээ. Энэхүү үзэсгэлэнгийн үеэр нэр дэвшигч нар өөрсдийн ном бүтээл, эмхэтгэл зэргийг бүрэн эхээр нь дэлгэн үзүүлж байгаа юм. Тэдний  бүтээлийн үзэсгэлэнг өнөөдөр академичид болон бусад эрдэм шинжилгээний байгууллагын судлаач, эрдэмтэд ирж сонирхлоо.

Тус үзэсгэлэнг зорьж ирснээр та бүхэн нэр дэвшигч эрдэмтэнтэй биечлэн уулзаж тухайн эрдэмтэн Монголын болоод дэлхийн шинжлэх ухааны хөгжилд хэрхэн хувь нэмэр оруулсан талаар нь танин мэдэж авах боломжтой юм. Энэ удаа  нийгмийн ухааны салбараас 1, Хүмүүнлэгийн ухааны салбараас 1, Хими, биологийн салбараас 1,  Физик, математик, химийн салбараас 1, Геологи, газарзүй, байгаль орчны  салбараас 1, Техник, технологийн салбараас  1, Анагаах ухааны салбараас 2, Хөдөө аж ахуйн салбараас 1 эрдэмтэн нэр дэвшиж байна.

Үзэсгэлэн  өнөөдөр 17 цаг хүртэл үргэлжилнэ.

ШУА-ийн жинхэнэ гишүүнд нэр дэвшигч эрдэмтэд

 ·         Б.Батхишиг ШУА-ийн Философийн хүрээлэнгийн Бодлого судлал, улс төрийн эдийн засгийн ухааны салбарын эрхлэгч, Шинжлэх ухааны доктор (ScD), профессор

 ·         Ч.Ган-Өлзий ШУА-ийн Философийн хүрээлэнгийн Эрдэм шинжилгээний Тэргүүлэх ажилтан, Шинжлэх ухааны доктор (ScD), профессор

 ·         Д.Дагвадорж “Уур амьсгалын өөрчлөлт-Хөгжил” төвийн Захирал, НҮБ-ын Байгаль орчны хөтөлбөр (UNEP)-ийн Парисын хэлэлцээрийг хэрэгжүүлэх үйл ажиллагааг дэмжих олон улсын төслийн Монгол улсыг хариуцсан зохицуулагч, газарзүйн шинжлэх ухааны доктор (Sc.D)

 ·         Ж.Нарангэрэл Шинжлэх ухааны Академийн Хими, Химийн технологийн хүрээлэнгийн эрдэм шинжилгээний тэргүүлэх ажилтан, химийн шинжлэх ухааны доктор (Sc.D)

 ·         Д.Цэрэндагва Анагаахын Шинжлэх Ухааны Үндэсний их сургуулийн эмнэлэг хариуцсан дэд захирал, Монгол Анагаах ухааны Академийн гишүүн, Уламжлалт анагаах ухааны салбарын дарга, Анагаахын шинжлэх ухааны доктор (Sc.D), профессор

 ·         Ч.Чимэдрагчаа Уламжлалт анагаах ухаан, технологийн хүрээлэнгийн захирал,  Анагаахын шинжлэх ухааны доктор (Sc.D), профессор

 ·         Р.Энхбат ШУА-ийн Математик Тоон технологийн хүрээлэнгийн  салбарын эрхлэгч, физик, математикийн шинжлэх ухааны доктор (Sc.D), профессор

 ·         Н.Энхболд ХААИС-ийн харьяа Ургамал хамгааллын эрдэм шинжилгээний хүрээлэнгийн Микробиологийн лабораторийн эрхлэгч, биологийн шинжлэх ухааны доктор (Sc.D)

 ·         Д.Энхтуяа ШУТИС-ийн “Shima Seiki trannig center” сургалтын төвийн захирал, техникийн шинжлэх ухааны доктор (Sc.D), профессор

 

---

Бусад мэдээлэл