ШУА-ийн Тэргүүлэгчдийн
газар сар шинийн баярыг угтаж өнөөдөр ахмадуудаа хүлээн авч хүндэтгэл үзүүллээ.
Энэ үеэр ШУА-ийн
ерөнхийлөгч Д.Рэгдэл нийт ахмадууддаа баяр хүргээд “2018 онд ШУА-ийн эрдэмтэд
судлаачдын улс орон, нийгэмд оруулсан хувь нэмрийг дурдаад 2019 онд эрдэмтэд
мөн байр сууриа бэхжүүлж, тодруулсан он болно гэдэгт найдаж байна” гэлээ.
ШУА нь 2018 онд монголын
ахмад настны хуулийн дагуу дэргэдээ “Ахмадын холбоо”-г албан ёсоор байгуулсан
бөгөөд холбооны даргаар ахмад эрдэмтэн Ш.Чунаг ажиллаж байгаа юм. Ахмадын
холбоо 500 гаруй гишүүнтэй бөгөөд байгуулагдсан нэг жилийн хугацаанд холбооныхоо
дүрэм журмыг шинэчлэн баталж үйл ажиллагааны эрх зүйн орчноо бүрдүүлж
чаджээ.
2019 онд ШУА-ийн ахмадууд Улаанбаатар сувилалд оочер дугааргүй
үйлчлүүлэхээр болсон тухай сайхан мэдээг Ахмадын холбооны дарга Ш.Чунаг
дуулгасан юм. Мөн Ахмадын холбоо энэ
жилээс “Хүндэт дэвтэр”-тэй болж байгаа
бөгөөд энэхүү дэвтэрт жилдээ 3 эрдэмтнийг онцлон алдаршуулж өргөмжлөл, мөнгөн шагнал олгож байхаар болжээ.
Анхны шагналаа академич Х.Намсрайд
гардууллаа. .JPG?w=1000)
