ШУА-ийн Физик технологийн хүрээлэн 2014 оны хагас жилийн ажлын тайлангийн хурлыг 6 дугаар сарын 19-ний өдөр боллоо.
Тайлангийн хурлаар сэдэвт ажлуудын явц, үр дүн, эрдэм шинжилгээний өгүүллийн хэвлэлтэнд шилжсэн болон хэвлэгдсэн байдал, сэдэв, лабораториудын гадаад, дотоодын хамтын ажиллагаа, шинжлэх ухааныг түгээн дэлгэрүүлэх ажлын явц, үр дүнг үнэлэн дүгнэж, цаашид анхаарч хийх ажлыг хэлэлцэв.
Мөн хүрээлэнгийн уламжлалт ажлуудын нэг болох “Залуу Судлаачдын Семинари” -ийн 2014 оны /хаврын/ семинарийн хаалт болж, энэ үеэр эрдэм шинжилгээний ажлын үр дүн, тавьсан илтгэлээрээ залуу судлаач, докторант Э.Нямдаваа, магистр Б.Өлзийтогтох, магистр Г.Энхбаатар нар шалгарч мөнгөн шагнал хүртсэн юм.
