Санхүү Эдийн Засгийн Их Сургуулийн /СЭЗИС/ 100 жилийн ойн хүрээнд зохион байгуулагдсан “Нээлттэй шинжлэх ухаан ба тогтвортой бизнес 2024” эрдэм шинжилгээний хурлын үеэр хоёр байгууллагын хамтарсан тэнхимийн нээлтийн ёслолын арга хэмжээ боллоо.

ШУА-ийн ерөнхийлөгч, академич С.Дэмбэрэл Санхүү Эдийн Засгийн Их Сургуулийн хамт олонд баярын мэндчилгээ дэвшүүлж, хуралд “Нээлттэй шинжлэх ухааныг хөгжүүлэх зарим туршлагаас” сэдвээр зочин илтгэл хэлэлцүүллээ.

ШУА СЭЗИС-тай 2022 онд байгуулсан хамтран ажиллах санамж бичгийн хэрэгжилтийг хангах, их сургууль-эрдэм шинжилгээний байгууллагын харилцан үр ашигтай хамтын ажиллагааг эхлүүлэх, салбар дундын болон Салбар дамнасан судалгаа хөгжүүлэлтийн ажлыг эрчимжүүлэх зорилгоор хамтарсан тэнхимийг байгуулсан юм.

“Нээлттэй шинжлэх ухаан ба тогтвортой бизнес 2024” хурлын гол агуулга нээлттэй шинжлэх ухааныг хөгжүүлэх, эдийн засгийн хөгжил ба бизнесийн тогтвортой байдал, шинжлэх ухааны судалгаа шинжилгээний үр дүнг оновчтой ашиглах, төр бизнес академик байгууллагуудын хамтын ажиллагаа, тогтвортой хөгжлийн зорилтуудад хувь нэмэр оруулах шинэлэг бизнес загваруудыг бий болгох, байгаль орчны болон нийгмийн асуудлуудыг шинжлэх ухаан, судалгаанд суурилсан инновацлаг шийдлүүдээр шийдэх замаар үнэ цэнийг бий болгох, шинжлэх ухааны ойлголт мэдлэгийг олон нийтэд таниулах, нээлттэй мэдээллийн дэд бүтцийг бий болгох, нээлттэй хамтын ажиллагааг өргөжүүлэх, залуу судлаач, эрдэмтэд болон бодлого боловсруулагчид, бизнесийн байгууллагуудын анхаарлыг энэ чиглэлд хандуулах тухай хэлэлцлээ.