БШУЯ-наас санаачлан хэрэгжүүлж буй “Шинжлэх ухаан, технологи, инновацыг нутагшуулъя” аяны хүрээнд Шинжлэх ухааны Академийн харьяа хүрээлэнгийн эрдэмтэн, судлаачид 09 дүгээр сарын 28, 29-ны өдрүүдэд Завхан аймагт ажиллаж байна.
Хамтын ажиллагааны хүрээнд орон нутгийн байгаль орчин, ногоон хөгжлийн бодлого, ховор амьтан, ургамал, ашигт малтмалын тархац нөөц, цөлжилт, бэлчээрийн талхагдал, орон нутгийн уст цэгийн ашиглалт, хамгаалалт, түүх археологийн дурсгалууд, аймгийн мал аж ахуй, газар тариалан, хүн амын хөгжил, эрүүл мэндийн болон тухайн орон нутгийн нийгэм, эдийн засгийн тулгамдсан бусад асуудлыг шийдвэрлэхэд дэмжлэг үзүүлэхэд чиглэж байна.
