ШУА-иас санаачлан хэрэгжүүлж буй “Энтрепренер судлаач” үндэсний хөтөлбөрт оролцогчдын оролцоог нэмэгдүүлэх зорилгоор “Гөүсмарт ТМ” ХХК-аас хөгжүүлэн нэвтрүүлж буй цахим сургалтын динамик платформ системийг ашиглан цахим сургалтыг явуулж байна.
Уг системийг ашигласнаар “Энтрепренер судлаач” үндэсний хөтөлбөрт оролцогч нь интернэт орчинд орон зай, байршлаас үл хамааран шууд сургалтууддаа хамрагдах, нөхөн сэргээж үзэх, шалгалтаа өгөх, сертификат гэрчилгээгээ онлайнаар авах зэрэг давуу талуудыг олгоно.
Тус цахим сургалтын цахим системийг Татварын ерөнхий газар, Хөдөлмөр халамжийн үйлчилгээний ерөнхий газар, Улаанбаатар хотын замын хөдөлгөөний удирдлагын төв, Нийгмийн даатгалын ерөнхий газар, Мал эмнэлгийн ерөнхий газар, Мэдээлэл технологийн үндэсний парк, Шинжлэх ухаан, технологийн сан, Улаанбаатар төмөр зам ХНН, Монголын мэргэшсэн нягтлан бодогчдын институт, Татварын мэргэшсэн зөвлөхийн нийгэмлэг, Монголын мэргэшсэн үнэлгээчдийн институт, Голомт банк, бичил глобус ББСБ, Номин холдинг зэрэг төрийн болон хувийн хэвшлийн 23 байгууллагын 50’000 хэрэглэгч ашиглаж байна. Системтэй холбоотой дэлгэрэнгүй мэдээллийг "Гөүсмарт ТМ" ХХК-тай холбогдож авч болно.
