Монгол улсад орчин цагийн
шинжлэх ухаан үүсэж хөгжсөний 100 жилийн ой,
Шинжлэх ухааны академи болон Физик, технологийн хүрээлэн үүсгэн байгуулагдсаны
60 жилийн ой
энэ жил тохиож байгаа билээ. Ойн хүрээнд ШУА-ийн Физик-Математик-Информатикийн салбарын Бага
чуулган, ШУА-ийн Физик, технологийн хүрээлэнтэй хамтран зохион байгуулсан
“МЭДЛЭГЭЭР ДАРХЛААГАА ДЭМЖЬЕ” цахим өдөрлөг 2021 оны 6 сарын 02-04 өдрүүдэд
амжилттай болж өндөрлөлөө..jpg?w=1200)
.jpg?w=1200)
Тус өдөрлөгөөр Физик,
технологийн хүрээлэнгийн эрдэмтэн судлаачдын өдөр тутмын үйл ажиллагаа,
судалгааны ажлын үр дүн, ном бүтээл зэргийг танилцуулсан ба хүрээлэнгийн
лабораториудын дэлгэрэнгүй танилцуулга, 360° зураг зэргийг олны хүртээл болголоо.
Мөн залуу
судлаач, оюутнуудад чиглэсэн ФТХ-ийн лабораториудад дадлага хийх боломж болон
ФТХ дээр зохион байгуулагддаг “Залуу судлаачдын семинар”, Физикийн
шинжлэх ухааны “Сонгомол бүлгүүд” цахим лекцийн танилцуулга, гадаадад сурч, ажиллаж
буй залуу судлаачидтай хийсэн подкаст зэргийг бэлтгэн хүргэсэн билээ. Мөн
өдөрлөгийн хүрээнд олон нийтэд чиглэсэн уралдаант бодлого, сонирхолтой
асуултууд амжилттай явагдан шилдэг оролцогч нараа тодруулан шагнасан.
ШУА-ийн Физик, технологийн
хүрээлэнгийн цахим өдөрлөгт холбогдох бүх мэдээлэл, видео танилцуулгыг ФТХ-ийн сайт
дахь “НЭЭЛТТЭЙ ХААЛГАНЫ ӨДӨРЛӨГ-2021” цэсээс орж үзэх боломжтой (https://ipt.ac.mn/).
