.jpg?w=1200)
"Монголын Инновацийн 7" хоног арга хэмжээний хүрээнд "ЭРДЭМ ХАКАТОН 2021" тэмцээнийг 2021 оны 05 дугаар сарын 17-ноос 21-ны өдрүүдэд зохион байгуулж байна.
Энэхүү тэмцээн өнөөдрөөс эхлэн 5 өдрийн турш сургалт, арга хэмжээ хосолсон байдлаар үргэлжлэх юм.
Энэ удаагийн тэмцээн Инновацийн тэргүүлэх чиглэл (2020-2025)-ийн хүрээнд зохион байгуулагдаж байгаагаараа онцлогтой бөгөөд Монгол Улсын нийгэм эдийн засгийн хөгжилд хувь нэмэр оруулах, цаашид үйлдвэрлэлд нэвтрүүлэх боломжтой инновацийн төслийг шалгаруулж хөрөнгө оруулалтаар дэмжих юм.
Тэмцээнд их, дээд сургууль, эрдэм шинжилгээний байгууллага, судалгааны хүрээлэн/төв, хувийн хэвшлийн багууд оюуны өмчийн эрхээр хамгаалагдсан бизнес төслөөрөө оролцож байна. I шатны шалгаруулалтад нийт 15 баг тэнцэж, сургалтад хамрагдаж байна. Эцсийн шалгаруулалт буюу Демо өдөр 2021 оны 05 дугаар сарын 21-ны өдөр болох юм.
