“Орос ба Монгол ХХ зуунд: хуралд оролцох эрдэмтэн судлаачид 5 сарын 15-ны дотор хүсэлтээ ирүүлнэ үү

• 

  Нийтлэсэн Б Билгүүн
• 2021-04-16
• 1146

“Орос ба Монгол ХХ зуунд:  Монголын хувьсгал,  дипломат харилцаа тогтоосны 100 жилийн ойд” олон улсын эрдэм шинжилгээний хурал 2021  оны 9 дүгээр сарын 9-10-нд Хиагт, Улаан-Үд хотуудад зохион байгуулагдаж, Орос Монголын хамтын ажиллагааны түүх ба хэтийн төлөвийн талаар шинжлэх ухааны хэлэлцүүлэг явагдана.

    Хурлын хүрээнд Оросын ШУА-ийн Сибирийн салбар ба Монгол Улсын Шинжлэх Ухааны Академийн хамтарсан хуралдаан хийж, хамтын ажиллагааны гэрээнд гарын үсэг зурна. 

•     Зохион байгуулагчид:

    Оросын талаас: Буриад улсын Засгийн газар; Оросын ШУА-ийн Сибирийн салбар; Оросын ШУА-ийн Сибирийн салбарын археологи, угсаатны зүйн хүрээлэн; Оросын ШУА-ийн Сибирийн салбарын Монгол, будда, төвдийн  судлалын  хүрээлэн; Оросын ШУА-ийн Сибирийн салбарын Байгалийн менежментийн Байкал хүрээлэн; Оросын ШУА-ийн Сибирийн салбарын Л.А.Мелентьевын нэрэмжит Эрчим хүчний хүрээлэн; Оросын ШУА-ийн Сибирийн салбарын Дэлхийн царцдасын  хүрээлэн; Оросын ШУА-ийн Сибирийн салбарын Хойд ба Зүүн хойд Азийн хил дамнасан харилцан үйлчлэлийн асуудлыг судлах олон улсын эрдэм шинжилгээний төв; Буриад улсын Соёлын яам; Буриад улсын  Хиагтын районы захиргаа; Академич В.А.Обручевын нэрэмжит Хиагтын орон нутгийг судлах музей;
    Монголын талаас: Монгол Улсын Шинжлэх Ухааны Академи; Монгол Улсын ШУА-ийн Түүх, угсаатны зүйн хүрээлэн; Монгол Улсын ШУА-ийн Олон улсын харилцааны  хүрээлэн; 

Хуралд оролцох эрдэмтэн судлаачид хүсэлтээ 2021 оны 5 сарын 15-ны дотор,  Хурлын материалын эмхтгэлд хэвлүүлэх өгүүллийг 2021 оны 5 сарын 30-ны дотор тус тус ирүүлэхийг хүсч байна.  Материалаа  дараах холбоосоор орж зааврын дагуу илгээнэ үү.  

                                                                 Дэлгэрэнгүй мэдээллийг эндээс үзнэ үү.

---

Бусад мэдээлэл