Б.ПҮРЭВТОГТОХ ШИНЖЛЭХ УХААНЫ ДОКТОРЫН ДИПЛОМОО ГАРДАЖ АВЛАА
Б.Пүрэвтогтох
"Ил уурхайн
автотээврийн хэрэгслийг оновчтой сонгож ашиглах шинжлэх ухааны үндэслэл"
сэдвээр Шинжлэх Ухааны Докторын зэрэг хамгааллаа.
Шинжлэх
ухааны Академийн Техник, технологийн салбарын бага чуулганы дэргэдэх Техник,
технологийн шинжлэх ухааны докторын зэрэг хамгаалуулах эрдмийн зөвлөлийн 2019
оны 7 дугаар сарын 2-ны өдрийн хурлын 02 тоот тогтоолыг үндэслэн ШУА-ийн
ерөнхийлөгч Д.Рэгдэл өчигдөр Б.Пүрэвтогтох-д Техник, технологийн шинжлэх ухааны докторын
зэрэг олгов.
Б.Пүрэвтогтох
нь 1977 онд МУИС-ийг
уул уурхайн ашиглалтын технологич мэргэжлээр төгссөн. 1972-1998 онд
Политехникийн дээд сургуульд багш, 1998-2003 онд ШУТИС-ийн Уул уурхайн
инженерийн сургуулийн захирал, 2005 оноос ШУТИС-ийн харьяа Уул Уурхайн
Хүрээлэнгийн захирлаар ажиллаж байна. 1992 онд Ил уурхайн автосамосвалуудын
хөдөлгөөний процессийн загварчлал сэдвээр судалгаа хийж, техникийн ухааны
докторын зэрэг хамгаалсан. ШУТИС-ийн харъяа Уул уурхайн хүрээлэнгийн захирал
доктор профессор Монгол улсын зөвлөх инженер Балдангийн Пүрэвтогтох 2006 онд
ШУТИС-ийн “Шилдэг эрдэмтэн багш”-аар шалгарч байсан бол 2008 онд түүний намтар,
бүтээл нь Америкийн намтар судлалын хүрээлэнгийн "Great Minds of the 21 st
Century" буюу XXI зууны шилдэг эрхэмүүдийн цуврал намтарт багтаж дэлхийн
түүхэнд бичигдэн үлдсэн байдаг. Сонирхуулахад, Альберт Эйнштейн, Марк Твейн,
Мартин Лютер Кинг, Маргарет Тетчер, Жон Кеннеди зэрэг суут хүмүүс эдгээр
жагсаалтад багтаж байжээ. Мөн ондоо Англи улсын Кембриджийн Олон улсын намтар
судлалын төвөөс эрхэлж гаргадаг "TOP 100 Scienstists-2008" буюу 2008
оны дэлхийн TOП-100 Эрдэмтний нэгээр шалгарсан дэлхийн цараатай эрдэмтэн юм. 
Бусад мэдээлэл
