ШУА-ийн тэргүүлэгчдийн хурал
өнөөдөр хуралдаж ШУА-ийн Их чуулганы тов болон ШУА-ийн харьяа хүрээлэнгүүдийн
эрдэм шинжилгээ, үйл ажиллагааны тайланг хэлэлцлээ.
Шинжлэх ухааны академи нь жил бүрийн эхний чуулганаараа урьд жилийн
эрдэм шинжилгээ, үйл ажиллагааны тайлангаа хэлэлцдэг уламжлалтай. Энэ жил
нэгдүгээр сарын 31-ний өдөр хуралдахаар тов тогтлоо.
Үүний дараагаар харьяа 10
хүрээлэнгийн захирлууд 2018 оны эрдэм
шинжилгээ, үйл ажиллагааны тайлангаа тавьж хэлэлцүүллээ. Өөрөөр хэлбэл, Монгол
улсын шинжлэх ухааны салбарт 2018 онд
ямар ажил хийгдэж, ямар үр дүнд хүрэв гэдгийг энэ удаагийн хурлаар
хэлэлцэж байгаа юм. Хүрээлэнгүүдийн эрдэм шинжилгээ, үйл ажиллагааны тайланг
академичдад урьдчилан танилцуулсан бөгөөд академичид хуваарийн дагуу тус бүр саналаа хэлж, дүгнэлт өгсөн юм.
Академичид судалгаан дээр
суурилсан, улс оронд нэмэр хандив болох
эрдэм шинжилгээний ажлыг хийхэд хүрээлэнгүүдийн эрдэмтэн судлаачдын үүрэг
оролцоо, тэдний санал санаачилга хамгаас
чухал гэдгийг хэлж байлаа. Мөн 2018 онд
хийсэн эрдэм шинжилгээний ажил чамлахааргүй үр дүнтэй байгаа ч цаашдаа хүний гар
дээр тавих, шигтгээ болсон бодитой, ажилд улам бүр анхаарч ажиллахыг зөвлөв.
Мөн шинжлэх ухааны салбарт
сурталчилгаа дутмаг байна. Мэдээлэл дутмаг байгаагаас хэн дуртай нь энэ салбарыг
шүүмжилж, доромжилж байна гэдгийг ч энэ үеэр эрдэмтэд хэлж байна. 
