ШУА-ийн Тэргүүлэгчдийн газраас харъяа хүрээлэн, төвүүдийн захирал, эрдэмтэн нарийн бичгийн дарга нарын ээлжит зөвлөгөөнийг өнөөдөр буюу 7 дугаар сарын 9-ний өдөр ШУА дээр зохион байгууллаа. Хуралд ШУА-ийн удирдлагууд, 20 хүрээлэн, төвийн захирал, эрдэмтэн нарийн бичгийн дарга нар оролцсон юм.
Энэ удаагийн зөвлөгөөнөөр цаг үеийн шуурхай асуудлуудыг хэлэлцсэн бөгөөд тухайлбал манай улсад энэ 7 дугаар сард айлчлах Тайваний Сенека академийн төлөөлөгчдийг хүлээн авах, хамтарсан семинар зохион байгуулах талаар ярилцлаа. Мөн монгол улсад Шинжлэх ухааны парк байгуулах асуудлаар академийн хэмжээнд ажлын хэсэг байгуулсаныг танилцуулж, удирдлагын түвшинд хэлэлцэн санал бодлоо солилцсон юм.
