Монгол Улсын Ерөнхийлөгч У.Хүрэлсүхийн урилгаар Бүгд Найрамдах Социалист Вьетнам Улсын Ерөнхийлөгч То Ламын Монгол улсад хийж буй албан ёсны айлчлалын хүрээнд Монгол улсын Шинжлэх ухааны академи болон Бүгд найрамдах социалист Вьетнам улсын Шинжлэх ухаан, технологийн академи хооронд харилцан ойлголцлын санамж бичиг байгууллаа.

Санамж бичигт Монголын талыг төлөөлж Шинжлэх Ухааны Академийн Тэргүүлэгчдийн газрын дарга Адьяасүрэнгийн Баярбаатар, Вьетнамын талыг төлөөлж Шинжлэх ухаан, технологийн академийн Ерөнхийлөгч Чау Ван Минь нар гарын үсэг зурлаа.

Хамтарсан хурал, семинар, зөвлөгөөн зохион байгуулах, эрдэм шинжилгээний ажилтан солилцох, шинжлэх ухааны мэдээлэл, өгөгдөл, судалгааны үр дүнгийн талаар харилцан мэдээлэл солилцох замаар харилцаа, хамтын ажиллагааг гүнзгийрүүлнэ.