Азийн Шинжлэх Ухааны Зөвлөлийн (SCA) 23 дугаар их хурал “Аж үйлдвэржилтийн дөрөвдүгээр хувьсгал ба Ирээдүйн чиг хандлага” сэдвийн дор Бангладешийн нийслэл Дакка хотод 2024 оны 11 сарын 30 аас 12 дугаар сарын 2-хооронд болж өнгөрлөө.
Тус хуралд Азийн болон дэлхийн 40 орчих орны 300 орчим төлөөлөгчид оролцож сэдвийн хүрээнд шинэ соргог судалгааны үр дүнгүүдээсээ танилцуулж, мэдлэг мэдээлэл хуваалцаж байна.

Тус хурлын үеэр буюу 2024 оны 11 сарын 30-нд Азийн Шинжлэх Ухааны Зөвлөлийн менежментийн зөвлөлийн уулзалт (MBM) болж 18 гишүүн байгууллагын төлөөллөөс 7 гишүүн танхимаар, 7 гишүүн цахимаар, 4 гишүүн чөлөө авсан ирцтэйгээр боллоо.

Тус уулзалтад гишүүн байгууллагын хувиар ШУА-ийн ерөнхийлөгч Академич С.Дэмбэрэл холбогдох төлөөллийн хамт цахимаар оролцож санал солилцлоо.

Хурал хөтөлбөрийн дагуу өнгөрсөн хугацаанд хэрэгжүүлсэн үйл ажиллагааны тайланг хэлэлцэж, ирэх жилийн хурлыг зохион байгуулах улс, комиссыг баталж, энэ жилийн хурлаас гарах тунхаглал болон зөвлөмжийг батлав. (Хавсралт)

Тус зөвлөлийн ирэх жилийн хурлыг Пакистаны шинжлэх ухааны академи манлайлан Пакистаны нийслэл Исламабэд хотод 2025 оны 11 сард зохион байгуулахаар боллоо.