Монгол Улсын Шинжлэх Ухааны Академийн ерөнхийлөгчийн урилгаар БНХАУ-ын Өвөр Монголын Шинжлэх Ухаан, Технологийн Нийгэмлэг (ӨМШУТН)-ийн дэд дарга Су Юу Лай тэргүүтэй төлөөлөгчид 2024 оны 12 дугаар сарын 17-ны өдөр ШУА-д зочилж хамтын ажиллагааны санамж бичиг байгууллаа. Тус санамж бичгийн хүрээнд талууд шинжлэх ухаан, технологи, инновацын салбарт хамтран ажиллаж, судалгаа шинжилгээний ажлыг өргөжүүлэх, эрдэмтэн судлаачдын солилцоо, чадавхыг бэхжүүлэхэд голлон анхаарах юм. Ёслолын үеэр ШУА-ийн Ерөнхийлөгч С.Дэмбэрэл, ӨМШУТН-ийн дэд дарга Су Юу Лай нар хамтын ажиллагааг өргөжүүлж, туршлага солилцох болон хамтарсан төслүүдийг хэрэгжүүлэх нь бүс нутгийн шинжлэх ухааны хөгжилд чухал ач холбогдолтой болохыг онцлон тэмдэглэж, санамж бичигт гарын үсэг зурлаа.