Монгол Улсын Шинжлэх Ухааны Академийн Дэд-ерөнхийлөгч, академич Ц.Цэрэндорж 2025 оны 3 дугаар сарын 19-ний өдөр Түрэг улсуудын байгууллагын ерөнхий нарийн бичгийн дарга Кубанычбек Өмүралиев тэргүүтэй төлөөлөгчдийг (Төслийн захирал Хасан Хүсейнов, Төслийн захирал Муроджон Мустофаева) ШУА-д хүлээн авч уулзлаа.
Төлөөлөгчид хөтөлбөрийн дагуу ШУА-ны Түүх, угсаатны зүйн хүрээлэн, Археологийн хүрээлэн, ШУА-ийн Тэргүүлэгчдийн газарт зочилж, Түрэг улсуудын байгууллагын гишүүн улс орнуудтай хамтран хэрэгжүүлж байгаа төсөл, хөтөлбөртэй танилцаж, цаашдын хамтын ажиллагааны талаар санал солилцлоо.
Түрэг улсуудын байгууллагын ерөнхий нарийн бичгийн дарга Кубанычбек Өмүралиев “Байгууллагын танилцуулга хамтын ажиллагаа” сэдвээр ШУА-ийн салбарын эрдэмтэн судлаачдад лекц уншиж, чөлөөт хэлэлцүүлэг хийж, эрдэм шинжилгээ, шинжлэх ухааны салбарт хамтран ажиллах боломжийн талаар ярилцав.