ШУА-ийн тэргүүлэгчдийн ээлжит хурал өнөөдөр/2023.01.25/ цахимаар боллоо. Тус хурлаар ШУА-ийн ээлжит их чуулганы тов тогтоох, ШУА-ийн Тэргүүлэгчдийн газрын бүтэц, үйл ажиллагааны чиглэлийг баталсан тогтоолд өөрчлөлт оруулах тухай, ШУА-ийн зарим хүрээлэнгийн Эрдмийн зөвлөлийн бүрэлдэхүүнийг шинэчлэн батлах тухай асуудлыг хэлэлцлээ.
Хурлаар ШУА-ийн
ээлжит Их чуулганыг ирэх сарын 2-ны пүрэв гаригт хуралдуулахаар тов тогтож,
ШУА-ийн 2022 оны эрдэм шинжилгээ үйл ажиллагааны тайланг хэлэлцэхээр шийдвэрлэв.
Мөн ШУА-ийн Тэргүүлэгчдийн газрын бүтэц,
үйл ажиллагааны чиглэлийг баталсан тогтоолд оруулсан өөрчлөлт болон Олон улсын харилцааны
хүрээлэн, Геологийн хүрээлэнгийн эрдмийн зөвлөлийн бүрэлдэхүүнийг шинэчлэн
батлахыг Тэргүүлэгч гишүүд дэмжлээ.
