“Ази дахь геополитикийн өөрчлөлт, хэтийн төлөв ойрын 10 жилд” эрдэм шинжилгээний бага хурал өнөөдөр буюу 7 дугаар сарын 3-ны өдөр боллоо.
Тус хурлыг ШУА-ийн Олон Улсын Харилцааны Хүрээлэн, ШУТСантай хамтран зохион байгуулж байна. Тус эрдэм шинжилгээний бага хурал Англи хэлээр явагдах бөгөөд гадаадын 7 орны эрдэмтэн судлаачид, тухайлбал Орос, Монгол, Хятад гурван улсын эдийн засгийн коридор сэдвээр, Ойрхи Дорнод руу чиглэсэн Оросын гадаад бодлого, цэргийн ажиллагаа, Орос Америкын харилцаа, Ази дахь газар нутгийн маргаан, Солонгосын хойгийн аюулгүй байдал сэдвүүдээр тус тус илтгэл хэлэлцүүлэв.
