Оросын Холбооны Улсын ШУА-ийн нэгдсэн чуулган 2025 оны 5-р сарын 29-30-ны өдрүүдэд хуралдаж, гадаад гишүүдийнхээ сонгуулийг зохион байгууллаа. Уг сонгуулиар Монгол Улсын ШУА-ийн Ерөнхийлөгч, академич С. Дэмбэрэлийг Оросын ШУА-ийн гадаад гишүүнээр сонгосон байна.

    Энэ хүндтэй үйл явдлыг тохиолдуулан ОХУ-ийн ШУА-ийн дэд ерөнхийлөгч В.Я. Панченко мэндчилгээ дэвшүүллээ. Тэрбээр мэндчилгээндээ: “Таны эрдэм шинжилгээний ололт амжилт, ажлын арвин туршлага таныг зөвхөн Монгол улсад төдийгүй олон улсын шинжлэх ухааны хүрээнд нэр хүндтэй эрдэмтэн, шинжлэх ухааны чадварлаг зохион байгуулагчийн нэг  болоход нөлөөлжээ. Энэ бүх амжилт бол таны нөр их хөдөлмөр, эрдмийн авьяас, зохион байгуулах ур чадварын үр дүн юм. Таныг Оросын ШУА-ийн гадаад гишүүнээр сонгогдсонд чин сэтгэлээсээ баяр хүргэж, эрүүл энх, амжилт бүтээл, аз жаргал, сайн сайхан бүхнийг хүсэн ерөөе” хэмээн онцолсон байна.

   Академич С. Дэмбэрэлийг ОХУ-ын Шинжлэх Ухааны Академийн гадаад гишүүнээр сонгогдсонд ШУА-ийн хамт олны нэрийн өмнөөс халуун баяр хүргэж, цаашдын эрдэм шинжилгээ, судалгааны үйлсэд нь улам өндөр амжилт хүсэн ерөөе.