ШУА-ийн Тэргүүлэгчдийн газар АНУ-аас Монгол Улсад суугаа Элчин сайдын яамтай хамтран Fulbright Specialist хөтөлбөрийг амжилттай хэрэгжүүллээ. Уг хөтөлбөрийн хүрээнд АНУ-ын Флоридагийн Булангийн их сургуулиас профессор Феликс Жос хүрэлцэн ирж, Шинжлэх ухааны академийн хүрээлэнгүүдийн эрдэмтэн, судлаачдад зориулсан “Шинжлэх ухаан, технологийн төслийн санал боловсруулах” (FSP-P009918) сэдэвт 21 хоногийн сургалтыг зохион байгуулав.
   Сургалтын сүүлийн өдөр АНУ-аас Монгол Улсад суугаа Элчин сайдын яамны Олон нийттэй харилцах албаны дэд дарга Сара Томпсон, төгсөгч болон мэргэжилтний хөтөлбөр хариуцсан ажилтан Б.Цэрэндагва нар сургалтад хамрагдсан судлаачдын олж авсан мэдлэгтээ тулгуурлаж боловсруулсан шинжлэх ухаан, технологийн төсөлтэй танилцаж, сертификат гардууллаа.